كيف يمكننا التنفس _How can we breathe ? _ inspiration

?How can we breathe

كيف يمكننا التنفس

inspiration

التنفس

عمرك سالت نفسك احنا ازااي بنتنفس ؟ طيب هل هو بمجرد أخذ النفس الرئة تتسع ثم تتم عملية التنفس ولا فيه حاجات اكثر من كده بتساعد في العمليه الهامة دي ؟!

طبعا من المؤكد ان فيه حاجات هامة جدا بتساعد في اتمام العمليه بنجاح والتي سوف نعلمها في موضوع اليوم وماذا سوف يحدث اذا حدث بها خلل. فهيا بنا نقطف ثمرة من هذا الموضوع الرائع !

اولا :

 احنا لازم نعرف ان دورة التنفس الواحدة اللي بنتنفسها بتتكون من ثلاث مراحل :

1.  Inspiration

2. Expiration

3. Expiratory pause

يعني بالمستوي المبسط جدا تتكون من شهيق و زفير و فترة سكون بعد الزفير , طيب دول ثلاث مكونات لدورة واحدة , طيب احنا بناخد كام دورة في الدقيقة ؟!

 احنا بنتنفس من 12:16 دورة في الدقيقة .

وهندرس الان كل مرحلة ازااي بتحصل !

·      Inspiration  "الشهيق"

اولا احنا لازم نعرف ان عمليه inspiration  دي active  يعني ايه ؟ يعني انا محتاج انقباض عضلي علشان تتم العمليه دي .

inspiration

والمرحلة دي بيختلف فيها الحاجات اللي بتساعدها حسب الحاله اللي انت فيها , يعني ايه ؟! يعني مثلا وانت بتتنفس دلوقتي و انت بتقرا المقال ده مش زي وانت بتلعب كوره مثلا فكل حاله ليها ما يساعدها كي تتم لذك بينقسم حسب حالتك الي :

1. Eupnea  

2. during Forced inspiration

اولا : تعالوا بقا نتكلم علي Eupnea“during normal quiet breathing “

يعني التنفس العادي الطبيعي اللي احنا بناخده , طيب ازااي بيتم ؟!

بيتم عن طريق انقباض العضلات الاتيه :

1. Diaphragm  " الحجاب الحاجز"

inspiration 

الحجاب الحاجز يعتبر اهم عضله لاتمام عمليه التنفس , بيغذيه عصب اسمه phrenic nerve  و root value  بتاعه C3 ,C4 ,C5  طيب ازاي بقا بيساعد في عمليه التنفس ؟!

احنا لازم نعرف بشكل مبدأي ان الحجاب الحاجز بيفصل ما بين منطقة الصدر و منطقة البطن , فلما بيحصله انقباض بينزل للاسفل لذلك بيزود حجم التجويف الصدري بنسبة 75% وده عن طريق انه زود البعد الرأسي " VERTICAL DIAMETR “  

2.  EXTERNAL INTERCOSTAL MUSCLES

.External intercostal M

ودي مجموعه من العضلات موجودة في منطقة الصدر ماسكة ما بين الضلوع  فبتساعد مع  DIAPHRAGM  في عملية التنفس  طيب ازااي ؟!

وده عن طريق ان انقباضها بتشد الضلوع للاعلي وللخارج فبالتالي بتزود حجم  التجويف الصدري بنسبة 25% لانها بالطريقة دي زودت المسافة الافقية وليست الراسية في الاتجاهين مناليمين لليسار و من الخلف للامام “anteroposterior and transverse diameter”

ثانيا : During forced inspiration

يعني انت بتتنفس بقوة وده مثلا وانت بتعمل exercise مثلا او لا قدر الله فيه حاجة pathological  "مرضية" ودي بتتم عن طريق العديد من العضلات وتتضح فيما يلي :

1. انقباض Diaphragm , external intercostal muscles  اللي ذكرناهم لكن طبعا الانقباض بتاعهم هنا هيكون اقوي .

2. انقباض مجموعه من العضلات بنسميهم* accessory inspiratory muscles *

وهم:

·      عضلة sternomastoid  ودي لما بتنقبض بتجذب عظمة القص "sternum " لاعلي وبكده بتساعد في زيادة التجويف الصدري  .

sternomastoid

·      عضلة serratus anterior  ودي بتنتهي ب 8 اصابع ماسكه في upper 8 ribs  فلذلك عندما تنقبض تجذب الضلوع لاعلي وبكده بتساعد في زيادة التجويف الصدري ايضا .

serratus anterior

         ·      عضلة scalene muscle  ودي بتتكون من 3 parts  : 

anterior & middle parts   بيمسكوا في اول ضلع , 

و posterior part  ماسك في الضلع الثاني , لذلك العضله عندما تنقبض تجذب الضلوع لاعلي وبكده بتساعد في زيادة التجويف الصدري ايضا .

scalene muscle

ده كان عملية الشهيق ونظرا لكبر الموضوع سوف يكون له جزء ثاني يتحدث عن ما علاقة زيادة التجويف الصدري والتنفس وسوف نتحدث عن آلية عملية الزفير والعديد من الاشياء المتعلقة بعملية التنفس .

والسلام عليكم ورحمة الله وبركاته