معلومات طبية هامة

معلومات طبية هامة حافظ علي سلامة عائلتك

معلومات لازم يقولها الصيدلي او الدكتور للمريض وهو بيعطية او بيكتبله الدواء علشان ميعرضهوش لاعراض جانبيه صعبه  ولازم تاخد بالك انت كمريض منهم ع لو تغافل الطبيب عنهم بحال من الاحوال :

1.     لو كتب اقراص مضاده للاتهابات ودي في الاغلب بيكون اسمها الفنترن أو أمبيزيم بيكتبها كتير اطباء الاسنان والعظام لازم  يقولك تاخدها قبل الاكل بساعه او بعد الاكل بساعتين  طيب ليه ؟

لان اقل من كده مش هتستفيد منها ليه ؟ لانها اذا اتاخدت مع الاكل هتحلل وتكسر البروتينات اللي في الاكل بدلا من البروتينات المسببه للورم وبكده احنا معملناش حاجه فلازم تكون المعده الخاليه .

2.     ‌لو كتبله مضاد حيوي وما اكثر المضادات الحيويه اللي بتتكتب من الدكاتره المصريين!!! وكان المضاد الحيوي ده من مجموعة سيبروفلوكساسين لازم يحذره من الخروج والتعرض للشمس اثناء الظهيره طيب ليه ؟

لان خلال فترة العلاج بالادويه دي بيكون المريض عنده حساسيه لضوء الشمس علشان كده ممكن تسببله حروق الجلد و الوجه وتؤذي العين .

3.     لو كتبله مضاد حيوي اسمه زيثروكان او زيسروسين او مجموعة الماكروليد لازم يقوله تاخدها بعد الاكل بساعتين طيب ليه ؟ لانه لو اخدها بعد الاكل علي طول هيفسد مفعولها .

4.     لو كتبله ادويه فيها منتجات السلفا  لازم يقوله اشرب كتير ميه اثناء فترة العلاج ليه ؟
لان مركبات السلفا بتتركز في الكلي وللاسف ممكن تسبب التهاب كلوي وحصوات في كلوية.

5.     لو كتبلك دواء مسكن بروفين لازم يسالك هل بتاخد اي نوع اسبرين للسيوله ام لا ........ طيب ليه ؟
لان البروفين بيلغي تأثير الاسبرين علشان كده لو كنت مريض بالقلب او الضغط وبتاخد الاسبرين ما تاخدش معاه بروفين في نفس الوقت .

6.     لو كتب للطفل مضاد حيوي زي اوجمنتين شراب او هاي بيوتك  او اي حاجه بنفس تركيبتهم لازم يقولك احفظه في التلاجه مباشرة بعد الحل ......... طيب ليه ؟

لانك لو نسيته خارج الثلاجه هيبوظ عالطول ولازم ترميه طبعا اول مالونه يتحول من الابيض للاصفر الغامق.

7.     لو الدكتور او الصيدلي عطاك حاجه مسكنه للالام  والصداع من مجموعة ديكلوفيناك علي سبيل المثال كتافلام او مجموعة كيتوبروفين زي باي الكوفان لازم يسالك أنت بترضعي و بشكل خصوصي لو طفل حديث الولاده ولا لا ؟
لان الادويه دي هتنزل مع اللبن و هتسبب لابنك ارتجاع وحرقان وانتفاخ ومغص وهايفضل يعيط كل ما ترضعيه وهتدوخي عشان تعرفي ايه السبب وللاسف عدم وعي الطبيب اصبح انتي وهو السبب .

شكرا والسلام عليكم ورهمة الله وبركاته