علاقة الحرارة بجفاف الجلد والشد العضلي والهبوط و التسلخات الشديدة

 علاقة الحرارة بجفاف الجلد والشد العضلي والهبوط و التسلخات الشديدة

مع استمرار موجة الحر في هذه الايام لازم ناخد بالنا من كذا حاجة مهمة جداً ..

1.     خلي بالك ان فقدان الأملاح من الجسم نتيجة العرق الكتير واللي بيئدي الي تعرض الانسان الي :

·        جفاف الجلد واحمراره وممكن يصاحبه رغبة في الحكة.

·        ومن الممكن ايضا انه يعمل هبوط شديد وفقدان الوعي خصوصا للناس اللي دائمة الحركة في الشمس وبتعمل مجهود عضلي كبير اثناء النهار .

·         شد عضلي مؤلم .

·        ومن الممكن انه يعمل صداع ورغبة في القئ .

طيب انا المفروض اعمل ايه علشان اتجنب هذه المشاكل ؟؟

·        مطلوب اننا نقلل من المجهود العضلي الزايد ده باي قدر من الإمكان اثناء النهار

·        وبلاش انك تمارس الرياضة صباحا تحت اشعة الشمس الحارقة  خليها مساء افضل

·        خبراء التغذية بينصحونا اننا نحرص علي شرب ثلاثة لتر ماء او اكثر موزعة علي مدار اليوم

·        نحاول نقلل المشروبات الساخنة

·        نكتر شوي من اكل الطماطم والبطاطس والباذنجان والسبانخ والفلفل الألوان والبنجر واللفت و من الفواكه الموز والتين والكانتالوب والبطيخ  والعنب وغيرها.

2.     ما اكثر تعدد شكاوي المرضي من التهابات شديدة مؤلمة تصل الي حد التسلخات في مناطق كثيرة منها :

·        اعلي الفخذين في لكبار والصغار

·        و في بعض الاحيان تحت الصدر عند السيدات و تحت الإبط

طيب ايه العلاج الفعال والآمن لهذه المشكلة :

العلاج عبارة عن تركيبة خالية طبعا من الكورتيزون وممكن نستعمل العلاج ده ايضا لعلاج التهابات الحفاظات اللي بتيجي في الاطفال الصغار .

شكرا دكتور هاني الناظر