الايدز AIDS
تعالوا نعرف الاول الفرق بين الايدز و عن فيروس HIV
AIDS"
Acquired immune
deficiency"
نقص المناعة المكتسب ده مرض بيسببه فيروس اسمه HIV ,
الفيروس ده فيه منه نوعين اتش HIV1 &
HIV2 و كل نوع منهم
بينقسم الى انواع وكلمه الايدز معناها ان العيان اللي عنده الفيروس ده دخل في مضاعفات
وبدا يتاثر بالفيروس بشكل كبير والمناعة بتاعته قلت وبدات تظهر مشاكل كبيره
لكن لما نقول عيان عنده HIV مجرد اصابه بالفيرس ممكن
العيان يقعد عشر سنين ما عندوش مشاكل ويبدا يدخل في مرحله الايدز بعد عشر سنين زي
بالضبط العيان اللي عنده فيروس سي بتاع الكبد ما ينفعش اقول ان اي عيان عنده فيروس
سي عنده تليف كبدي ممكن واحد عنده فيروس سي وعايش طول عمره ما عندوش حاجه لكن اقول
تليف كبدي لما يحصل فعلا التليف الكبدي بسبب فيروس سي فلازم نفرق بين الاثنين دول
ان الفيروس عمل مشاكل.
ليه مريض الايدز بيكون متخفي وان الاعداد الفعلية للمرضي مش عارفينها ؟
مريض الايدز بيكون متخفي لانه بيحس ان المرض ده
غباره عن وصمة العار وان اي حد بيسمع عنه بيرتبط في ذاكرته بفعله دنيئة وده مش صح
تماما بل ليه الكثير من الطرق للانتشار غير الجنس,دا ممكن حتى ميقولش للاطباء
وخاصة , لما يجيي يعمل عمليه مثلا, ما يقولش للدكتور عشان الاطباء ممكن ترفض انها
تعمل ليه العملية خوفا من انتقال العدوى لهم .
وللاسف التخفي ده وان العيان يخبي بيخلينا ما
نعرفش اعداد المرضى الحقيقي للايدز وبيخليه ينتشر في الخفاء.
متي تم اكتشاف الفيروس؟
عام 1981
نسبة الفيروس ؟
اعلنت منظمه
الصحه العالميه في عام 2015 ان فيه 36 مليون و سبعمائة الف بني ادم عندهم الايدز
وفي نفس السنه مات حوالي مليون بني ادم بسبب الفيروس ده وده بس اللي منظمه الصحه
العالميه قدرت تحصيه لان احنا قلنا انه بينتشر في الخفاء لان الناس مش عايزه تقول
بالاصافه الي الدول اللي ما فيهاش احصاء تطبيقي بشكل سريع فتخيل الارقام دلوقتي قد
ايه .
ازاي بينتقل الفيروس بقا؟
الفيروس بينتقل عن طريق :
·
اول حاجه الجنس بكل انواعه طبعا وخصوصا المثليين
او الشواذ
·
ثانيا عن طريق نقل الدم و
طبعا ده كان زمان شويه دلوقتي بيعملوا فحوصات على الدم و بقى الموضوع ده صعب شويه
لكن يبقى عن طريق نقل الدم,
·
السرنجات المستعمله زي
مثلا الناس اللي بتاخد مخدرات عن طريق الحقن تلاقيه بيشك نفسه وبعدين يديها لزميله
·
و الادوات الجراحيه المستعمله
· من الام الحامل لابنها سواء في مرحله الولاده او بالرضاعه الطبيعيه .
ما هي الطرق التي لا ينتقل بها الفيروس ؟
لكن الفيروس ما بيتنقلش عن طريق العناق و الاحضان ولا عن طريق القبل ولا المصافحه باليد ولا الاختلاط اليومي , كمان لقوا ان الحشرات زي الناموس والحاجات دي مش بتنقله ولا عن طريق الهواء ولا عن طريق تلوث المياه .
لقوا ان الذكور اللي معمولهم ختان اللي هو معمولهم طهاره يعني بيكون عندهم حمايه من انتقال الفيروس ده بالنسبه 60 في المئه وكمان الختان بيحد من انتشار امراض كثيره بتتنتقل عن طريق الجنس, حتي في البلاد الغير المسلمة بيطبقوا ختان الذكور حماية ليهم .
ايه بقا هي مراحل الايدز وازااي بياثر علي الانسان
وايه علاجة وازاي ممكن ان نقي انفسنا منه كل دة هنعرفة في المقال القادم ان شاء الله