الايدز تاثيره و مراحله و علاجه

 

ما هي طريقة الفيروس ومساره ؟

الفيروس لما يدخل الجسم بيضمر نوع من الخلايا المناعية اسمها T Lymphocytes  وبالاخص طبعا CD4 Cells وبكده اصبح جسمة عرضة لاي عدوي و خصوصا :

1.      العدوي الانتهازية

" “ candida, toxoplasmosis, pneumonia, herps

2.     وبعض الاورام السرطانية مثل caposi sarcoma & lymphomas   .

3.     وبعض الاعراض المرتبطة بالفيرس شخصيا زي

 HIV RELATED ENCEPHALOPSY , HIV RELATED DEMENTIA,

  HIV WASTING SYNDROME و دي عباره عن اسهال مزمن وفقدان الوزن.

ما هي مراحل الفيروس؟

 الفيروس اول ما يدخل الجسم بيمر ب 3 مراحل :

1.     المرحلة الاولي ACUTE SEROCONVERSION ودي اعراضها كده شبه الانفلونزا وصعب علي اي دكتور يشخصها مهما كانت كفاءته والاعراض دي زي التهاب في الحلق وارتفاع درجه حراره , الام بالجسم , تعب ارهاق حاجات كده ما تقدرش تحددها لكنه ممكن يعمل في الوقت ده تضخم في العقد اللمفاويه خصوصا في منطقه الرقبه

2.     المرحله الثانيهASYMPTOMATIC INFECTION  ودي معناها ان العيان بيبقى خلاص الفيروس موجود عنده لكن مش عامل اي مشاكل خالص ومش عامل اي اعراض , المرحله دي ممكن تقعد 10 سنين, و في بعض الاوقات ممكن يظهر تضخم العقد اللمفاويه او الغدد اللمفاويه.

3.      المرحله الثالثه والاخيره فهي دي بقى مرحله الايدز AIDS ودي اللي بيكون فيها خلايا T Lymphocytes اللي CD4 CELLS دي قلت خلاص ولما قلت العدوى الانتهازيه دي بدات تظهر و بعض الاورام السرطانيه تبدا تظهر, والعيان يدخل في   HIV WASTING SYNDROM  اسهال على طول و نقص في الوزن ومشاكل ال HIV كلها تظهر.

علاج HIV :

بالنسبه لعلاج HIV فالعلاجات الموجوده كلها بتقلل اعداد الفيروس وبتحد من انتشاره وبتقلل نشاطه لكنها لا تقضي عليه بالشكل الكامل . بس الاهم انها بتقلل نشاط الفيروس ده لفترات طويله جدا وتساعد العيان بشكل اكبر.

واخيرا لو انت مريض اوشاكك اتجه للطبيب فورا لانه هيديك ارشادات ازاي تتعامل مع الناس اللي حواليك وازاي تحميهم من الفيروس ده و ازاي تستخدم الواقي الذكري و ازاي شريكتك تستخدم الواقي الانثوي و نعمل تحاليل للناس المخالطين لك ونشوف هل هم كمان عندهم الفيروس ده ولا لا. بكده تكون ساعدت نفسك وساعدت الناس كلها .

ملحوظه ان بعض مرضى الايدز بيدور على مرضى الايدز غيره عشان يمارس معهم العلاقة لانه بيقول انه عنده وهي عندها فعادي بقا .......  طبعا الكلام ده في قمة الغلط و في غاية الخطوره لان من الممكن يكون عندك انت ناشط وعندها لا او كميه الفيرس عندك انت كثير و عندها هي قليل او انت عندك انواع ثانيه غير اللي عندها , لان HIV  فيه منه نوعين  HIV1 & HIV2  , فمن الممكن تكون انت عندك انواع جديده غير اللي عندها فتسبب لها عدوه ثانيه. كمان ممكن واحد يكون اخذ العلاج بشكل جزئي ينقل الفيروس الجديد ده لشخص تاني وبالتالي تظهر انواع جديده وتحول جديد في الفيروس مقاوم للادويه اللي اخدها.

لذلك الحرص واجب بلا شك و اكيد طبعا ليس من المخزي ان نمرض لكن من المخزي ان نهمل انفسنا ونعدي من حولنا…… شكرا …...