DKA _ Diabetic Keto Acidosis _ غيبوبه السكر المرتفع

 DKA _ Diabetic Keto Acidosis _ غيبوبه السكر المرتفع

النهارده هنتكلم عن DKA " Diabetic Keto Acidosis" ممكن نقدر نسميها غيبوبه السكر المرتفع ، ابتدينا نتكلم على مشاكل السكر في المقالة اللي فاتت عن انخفاض السكر او غيبوبه السكر المنخفض بشكل تفصيلي مُبسط ، ودا لينك المقالة للاطلاع عليها اضغط هنا.

ودلوقتي هنتكلم على غيبوبة السكر المرتفع فلو عيان جاء لك الاستقبال والسكرعنده عالي فانت بتفكر في ثلاث حاجات و اللي هنتناولها فيما يلي :

•  السكر عالي ومش عامل اي مشاكل خالص 

وده بنسميه uncontrolled diabetes وده عيان مش طوارئ ، تقدر تروحه البيت ويتابع مع الدكتور الخاص بيه  علشان يحاول يظبطله السكر بتاعه ويظبط جرعات علاجه ويظبط اكله و حياته او ممكن تحجزه في قسم الباطنه على انه uncontrolled diabetes وتحاول تظبطله الكلام ده في المستشفى.

•  يا اما حاجه اسمها hyperosmolar hyperglycemic state 

• 
  

• يا اما   DKA " Diabetic Keto Acidosis" وهي دي المشكله الاكبر المشهوره للسكر المرتفع.

 DKA " Diabetic Keto Acidosis" 

  DKA " Diabetic Keto Acidosis" دي بتحصل لما الجسم ما يلاقيش انسولين عشان يكسر الكربوهيدرات ويطلع طاقه يستخدمها ، علشان كده بيلجا للدهون ويكسرها عشان يطلع منها طاقه وبالتالي بينتج من تكسير الدهون دي free fatty acids و كيتونات كثير.

 الكيتونات دي بتزيد في الدم وتعمل acidosis يعني بتقلل PH بتاع الدم ، و لما تزيد الكيتونات عن معدلها الطبيعي بتنزل كمان في البول ويبقى فيه ketonurea ، وطبعا كل ده بيبقى مصحوب بحاله جفاف شديده.

طيب انت هتلاقي العيان ازااااي ؟

هتلاقي العيان ده سكره عالي غالبا اكثر من 250 مللي جرام ،

 ketonemia , ketonuria, dehydration.

_ خلي بالك ان DKA بتحصل اكثر في مرضى السكر من النوع الاول type 1 المعتمد على الانسولين .

ما هي اسباب DKA ؟؟

 لو حبينا نشوف بقى ايه هي اسباب DKA ، ولو عيان بياخد الانسولين بتاعه او بياخذ علاجه عادي ايه اللي دخلوا في DKA. فتعالو نشوف كل الاحتمالات:

• يا اما ما بقاش ياخذ الانسولين بتاعه 

• يا اما جرعه الانسولين قليله جدا عليه 

• يا اما حصل عدوى بكتيريه في جسمه زي مثلا التهاب رئوي او عدوي في الجهاز البولي 

•  يا اما حصلهmedical or surgical stress زي جلطه في القلب او عمليه كبيره دخلها العيان.

• كمان فيه بعض الادويه ممكن تؤدي الي حدوث DKA 

زي: steroids, pentamidine, colzapine,sodium glucose cotransporter 2 inhibitor, SGLT2 inhibitors 

• وكمان الحمل بالنسبه للسيدات بيزود فرص حدوث DKA.

مريض الDKA هيحس بايه ؟؟

العيان ده هيحس ان اعراض السكر زادت عليه زي :

•  العطش بقى زايد 

• بقى بيدخل الحمام كثير 

•  حاسس بتعب شديد 

• حاسس الم في بطنه 

• ترجيع و غثيان 

• ولو كان في الاصل ان العدوى البكتيريه هي المشكله فممكن تلاقي معاه ارتفاع درجه حراره 

• الم في الصدر 

• كحه 

• حرقان اثناء التبول 

• في الحالات الشديده ممكن يكون تايه او في غيبوبه كامله

ان شاء الله في المقالة القادمة سوف نتناول ايه هو افضل تتدخل منك ك دكتور في الحالة دي وايه هي العلامات اللي بتظهر اول حاجة في المريض ده بحيث اخد قرار التدخل السريع وايه هي المخاطر اللي ممكن اقابلها اثناء العلاج او المضاعفات المتوقعة وغيرها من الامور الهامة ..... شكرا لكم